တာကိုမက္ကဆီကန်အသားလိပ်မုန့်နှင့်ညီမျှသော

အက်ရှ်တန်နှင့် အော်စတင်ဆင်မြူရယ်ဆန် ညီအစ်ကိုတို့သည် ရှင်ယေရှုကို အစေခံရန် ပြင်းပြသောဆန္ဒတို့ဖြင့် ခရစ်ယာန်ကောလိပ်တက်ပြီး ဘွဲ့ရခဲ့ကြသည်။ သို့သော် သမားရိုးကျအသင်းတော်၌အမှုတော်ဆောင်ရန် နှစ်ဉီးစလုံး စိတ်မပါ။ လောကကြီးထဲအမှုတော်ဆောင်ခြင်းဆိုလျှင် သူတို့ဆန္ဒနှင့်လုံးဝကွက်တိ။ သို့နှင့် ကလေးများ အစာငတ်မွတ်ခြင်း‌ဘေးကို တိုက်ဖျက်ရန် သူတို့ဝန်တာရှိခြင်းနှင့် ဘုရားပေးသော စီးပွားရေးစွမ်းရည်များတို့ကို ပေါင်းစပ်ပြီး ၂၀၁၄ ခုနှစ်တွင် တာကိုမက္ကဆီကန် အသားလိပ်မုန့်ရောင်းသော စားသောက်ဆိုင်ဖွင့်ခဲ့သည်။ သို့သော် အခြားဆိုင်များနှင့်မတူပါ။ ‘တစ်ခုဝယ် တစ်ခုပေး’ စနစ်ဖြင့် သူတို့လုပ်ငန်း လည်ပတ်ခဲ့သည်။ မုန့်တစ်ပွဲ ဝယ်ယူတိုင်း ရရှိသောငွေဖြင့် အာဟာရချို့တဲ့သော ကလေး များအတွက် အထူးအာဟာရဖြည့်စွက်အစာတစ်နပ် ထောက်ပံ့ပေးသည်။ ယနေ့ ထိတိုင် နိုင်ငံပေါင်း ၆၀ ကျော်သို့ သူတို့ ပေးလှူနေဆဲဖြစ်သည်။ ကလေးများ ငတ်မွတ်ခြင်းဘေးကို အဆုံးသတ်ရန် တစ်စိတ်တစ်ဒေသပါဝင်သည့်အနေဖြင့် တစ်ကြိမ်လျှင် တာကိုတစ်ပွဲမှာ သူတို့၏ပန်းတိုင်ဖြစ်သည်။

မဿဲ ၁၀ ရှိ သခင်ယေရှု၏စကားက…

ကမ္ဘာကြီးဘာမှားနေသလဲ

၂၀ ရာစုသို့ဝင်ရောက်လာချိန်တွင် “The London Times” မှ စာဖတ်သူများအား “ကမ္ဘာကြီးဘာမှားနေသလဲ”ဟူသည့် မေးခွန်းကို မေးခဲ့သည်။

သမားရိုးကျမေးခွန်းဖြစ်သော်လည်း “သင့်ကိုအဖြေပေးရန် အချိန်မည်မျှ ပေးမည်နည်း” ဟု တစ်ဦးဦးက တုံ့ပြန်လိမ့်မည်။ ထိုတုံ့ပြန်ချက်သည် တရားမျှတ ပါသည်။ အဘယ့်ကြောင့်ဆိုသော် ကမ္ဘာကြီးမှားနေသည့် အကြောင်းရင်းများစွာ ရှိသောကြောင့် အချိန်ယူ၍အဖြေပေးရပါမည်။ The Times မှတုံ့ပြန်ချက်များစွာကို လက်ခံရရှိသည့်အနက် တုံ့ပြန်ချက်တစ်ခုမှာ တိုတိုတုတ်တုတ်နှင့် ထူးခြား လေးနက်သည်။ တုံ့ပြန်သူမှာ အင်္ဂလိပ်စာရေးဆရာ၊ ကဗျာဆရာ၊ အတွေးအခေါ် ပညာရှင် ဂျီကေ ချက်စ်တာတန် ဖြစ်ပြီး တုံ့ပြန်ထားသောသူ၏စာမှာ “ဆရာ၊ အမှားက ကျွန်တော်ဖြစ်ပါသည်” ဟူ၍ဖြစ်သည်။

ထိုအကြောင်းအရာသည် မှန်သည်ဖြစ်စေ၊ မှားသည်ဖြစ်စေ၊ ငြင်းခုံစရာ အချက်တစ်ခုဖြစ်လာသည်။ ထိုတုံ့ပြန်မှုက ဘာမျှမဟုတ်သော်လည်း မှန်ကန်မှု ရှိသည်။ ချက်စ်တာတန် မတိုင်မီကပင် ရှင်ပေါလု အမည်ရှိသည့် တမန်တော်ကြီးတစ်ဦးရှိခဲ့သည်။…

သင် ရသမျှအားလုံးကို ပေးလိုက်ပါ

အတိုးအလျော့ ဆိုသည့် ဝေါဟာရက ကျန်းမာကြံ့ခိုင်ရေးလောကတွင် လူတိုင်း ပါဝင်လာအောင် အခွင့်ပေးသည့် ဝေါဟာရဖြစ်သည်။ ဥပမာ- အထူးလေ့ကျင့်ခန်း ‘အိပ်၊ထ၊မ၊တင်’ကို ၁၀ ကြိမ် ဆက်တိုက်လုပ်ရမည် ဖြစ်သော်လည်း ကျွန်တော်က ၄ ကြိမ်သာလုပ်နိုင်သည်။ နည်းပြက ကျွန်တော်၏ ကြံ့ခိုင်မှုအဆင့် ပေါ်မူတည်ပြီး ကာလအလိုက် အတိုးအလျော့လုပ်နိုင်ကြောင်း ကျွန်တော့်ကို အားပေးသည်။ မိမိတို့၏ကြံ့ခိုင်မှုအဆင့်မတူညီသော်လည်း ဦးတည်ချက် တစ်ခုတည်းဆီသို့ အားလုံးရွေ့သွားနိုင်သည်။ “ရှင့်အစွမ်းရှိသလောက် ‘အိပ်၊ထ၊မ၊တင်’ ၄ ကြိမ် ဆက်လုပ်ပါ။ အခြားသူတွေနဲ့ ရှင့်ကိုယ်ရှင် မနှိုင်းနဲ့။ အခုအတွက်တော့ လျော့ထားအုံး၊ ရှင်လုပ်နိုင်သလောက် ဆက်လုပ်၊ တစ်ချိန်မှာ ရှင် ၇ ကြိမ် လုပ်နိုင်လို့ ရှင်အံ့သြရမယ်၊ တစ်နေ့ကျရင်တော့ ၁၀ ကြိမ် လုပ်နိုင်မှာပါ” ဟူ၍ တစ်နည်းတစ်ဖုံ သူပြောခြင်းဖြစ်သည်။

ပေးလှူခြင်းနှင့် ပတ်သက်လျှင် တမန်တော်ရှင်ပေါလုက ရှင်းရှင်းလင်းလင်းပင်ပြောထားသည်။ “စေတနာစိတ်နှင့်လှူသောသူကိုသာ…

ဘုရားရှင်၏နည်းလမ်းထဲတွင်

၁၉၆၀ ဝန်းကျင်က ချီကာဂိုအနောက်ဘက်ရှိ ပျားပန်းခတ်နေသော နော့သ် လောန်‌ဒေး ရပ်ကွက်သည် လူမျိုးခြားများစုပေါင်းနေထိုင်သော စံပြဝန်းကျင်တစ်ခု ဖြစ်သည်။ လက်တစ်ဆုပ်စာမျှသော အလယ်အလတ်တန်းစား အာဖရိကန်-အမေရိကန်လူမျိုးများသည် ထိုနေရာတွင် အိမ်ပိုင်ဆိုင်မှုနှင့်စပ်လျဥ်း၍နစ်နာမှုများ သည့်ဝယ်ငှားစာချုပ်ဖြင့် အိမ်များဝယ်ယူကြပြီး စာချုပ်ပါအချက်များကိုလည်း တာဝန်ခံရသည်။ စာချုပ်သည် ဝယ်ယူသူအတွက် မျှတမှုမရှိပါ။ အကယ်၍ အရစ်ကျငွေပေးချေရန် တစ်ကြိမ်ပျက်ကွက်က လက်ငင်းပေးချေထားသောငွေ၊ လစဉ်ပေးချေသောငွေများအပါအဝင် အိမ်ကိုပါ ဆုံးရှုံးရမည်ဖြစ်သည်။ မတရားသော ရောင်းသူများက ငွေကြေးဖောင်းပွသည့်နှုန်းဖြင့် အဆမတန်စျေးဖြင့်ရောင်းချပြီး၊ တစ်ကြိမ်ငွေပေးချေရန်ပျက်ကွက်သည်နှင့် မိသားစုများကို မောင်းထုတ်နှင်ချ ကြသည်။ ထိုနောက် အခြားမိသားစုကို ထိုစာချုပ်ဖြင့်ထပ်ရောင်းနှင့်၊ လောဘဇော အတောမသတ်စွာဖြင့် သံသရာလည်နေပါတော့သည်။

ရှမွေလသည် သူ့သားများကို ဣသရေလလူတို့အပေါ် တရားသူကြီးအဖြစ် ခန့်အပ်ခဲ့သည်။ သို့သော် သူတို့၌ လောဘစိတ်လွှမ်းမိုးလျက် "အဘလမ်းသို့မလိုက်" (၁ရာ ၈:၃)။ အဘ၏အကျင့်သမာဓိနှင့်ဆန့်ကျင်ဘက် - သူ့သားများသည် "ငွေကို တပ်မက်သောစိတ်နှင့်လွဲသွား၍တံစိုးစားလျက်" သူတို့၏ရာထူးများကို…

မီးပွားလေးမျှသာ

“ကျွန်မတို့အားလုံး စာကြည့်တိုက်ထဲရှိနေပြီး အပြင်ကမီးတောက်တွေကို မြင်နေရ တယ်။” သူကြောက်နေကြောင်း သူ့အသံမှတစ်ဆင့်ကြားရသည်။ ကျွန်တော်တို့ သူ့အသံကိုသိသည် - သမီး၏အသံဖြစ်သည်။ တစ်ချိန်တည်းတွင် ကောလိပ် ကျောင်းဝင်းကြီးက သူ့အတွက်အလုံခြုံဆုံးနေရာဖြစ်ပြီး ကျောင်းသူ ကျောင်းသား ၃၀၀၀ ခန့်လည်း သူနှင့်အတူရှိနေကြောင်း ကျွန်တော်တို့သိသည်။ ၂၀၁၈ ခုနှစ် ဝူးလ်စေး မီးလောင်မှုသည် မီးသတ်သမားများခန့်မှန်းမျှော်လင့်ထားသည်ထက် လျှင်မြန်စွာပျံ့နှံ့ခဲ့သည်။ ကယ်လီဖိုးနီးယားချိုင့်ဝှမ်းဒေသ၏စံချိန်တင်အပူချိန်၊ ခြောက်သွေ့မှု၊ နာမည်ကြီး စင်တာအယ်နာ လေရူးတို့ပေါင်းပြီး သေးငယ်သော မီးပွားများကို သယ်ဆောင်သွားကာ ဧကပေါင်း ၉၇၀၀၀ လောင်ကျွမ်းပြီး၊ အဆောက်အဦ ၁၆၀၀ ကျော်ပျက်စီးကာ လူသုံးဦး သေဆုံးခဲ့ရသည်။ မီးကို ထိန်းချုပ်နိုင်ပြီးနောက်ပိုင်း ရိုက်ထားသောဓာတ်ပုံ၌ ပုံမှန်စိမ်းလန်း စိုပြည်ခဲ့သော ပင်လယ်ကမ်းရိုးတန်းမှာ လ၏မျက်နှာပြင်နှင့် ဆင်တူနေတော့သည်။

ရှင်ယာကုပ်သြဝါဒစာ၌ သေးငယ်သော်လည်းအစွမ်းထက်သည့် မြင်းဇက်ကြိုး နှင့် သင်္ဘောတက်မ (၃:၃-၄)တို့ကို စာရေးသူက ဥပမာပေးရေးသားထားသည်။ ၎င်းတို့ကို…

တည့်တည့်မတ်မတ်

ယခင်က လယ်သမားတစ်ဉီးအတွက် ထွန်စက် (သို့) ကောက်ရိတ်ကောက်ခြွေစက် ကို တည့်တည့်မောင်းနှင်နိုင်ရေး အမြင်တည်ငြိမ်ရန်နှင့် လက်မြဲရန် လိုသည်။ သို့သော် မျက်လုံးကောင်းသည်ဆိုသည့်တိုင် အတန်းကျော်သွားခြင်းများရှိပြီး လက်အမြဲဆုံးသူပင် တစ်နေ့တာအလုပ်ပြီးချိန်တွင် ပင်ပန်းညောင်းချိပြီး ကိုက်ခဲ ကျန်ခဲ့သည်။ ယခုခေတ်တွင်မူ GPS နည်းပညာကို အခြေခံသည့် အော်တိုစတီယာ စက်များ ပေါ်လာပြီ ဖြစ်၍ အတန်းလိုက်စိုက်ပျိုးခြင်း၊ ကောက်စိုက်၊ ဆေးဖြန်း စသည့် လုပ်ငန်းများ လုပ်ဆောင်ရာ၌ တစ်တန်းနှင့်တစ်တန်းကွာခြားမှု ၁ လက်မ ဝန်းကျင်မျှသာ ရှိသည် အထိ စက်က တိကျမှုရှိသည်။ လက်နှင့်လုပ်စရာမလိုဘဲ စွမ်းဆောင်ရည်က အံ့မခမ်း ဖြစ်သည်။ စတီယာဘီးခွေကိုထိန်းကိုင်ရမည့်အစား ထွန်၊စိုက်၊ရိတ်ဘက်စုံသုံး စက်ကြီးပေါ်၌ အမဲကင်ပေါင်မုန့်အသားညှပ်ကို ဇိမ်နှင့် စားနေသည့်အဖြစ်ကို မြင်ယောင်ကြည့်လိုက်ပါ။ အံ့မခန်းသောစက်ကိရိယာက တည့်တည့်မတ်မတ် သွားနိုင်အောင် အထောက်အကူပြုသည်။

ယောရှိမင်းအကြောင်း ဆင်ခြင်ကြည့်ပါ။ သူသည် အသက် ၈…

အဖေ့သား

ကျွန်တော့်ကလေးများသည် မှုန်ဝါးနေသောဓာတ်ပုံကို ငုံ့ကြည့်လိုက်၊ ကျွန်တော့်အားမော့ကြည့်လိုက်၊ ထို့နောက် ကျွန်တော်၏အဖေအားကြည့်လိုက်၊ ကျွန်တော်အားပြန်ကြည့်လိုက်နှင့် အလုပ်ရှုပ်နေကြသည်။ သူတို့၏မျက်လုံးများ သည် ပန်ကန်ပြားကဲ့သို့ဝိုင်းစက်ပြူးကျယ်လျက် “ဖေဖေက ဖိုးဖိုးငယ်ငယ်တုံးကပုံနဲ့ တော်တော်တူတာဘဲ။” ကျွန်တော်နှင့်ဖေဖေပြုံးမိကြသည်။ ကလေးများက ယခုမှသတိထားမိသော်လည်း ကျွန်တော်တို့ သတိထားမိသည်မှာ ကြာပြီးဖြစ်သည်။ ကျွန်တော်နှင့် ဖေဖေသည် တစ်ဦးစီဖြစ်သော်လည်း ကျွန်တော်၏ပိန်ရှည်ရှည်ခန္ဓာ၊ နက်မှောင်သော ဆံပင်၊ ချွန်နေသောနှာခေါင်းနှင့် ကားနေသောနားရွက်တို့ကြောင့် အဖေငယ်စဉ်ကရုပ်နှင့်အလွန်တူသည်။ ကျွန်တော်သည် ကျွန်တော့်အဖေမဟုတ်။ သို့သော် သေချာသည်မှာ ကျွန်တော်သည် ကျွန်တော့်အဖေ၏သားဖြစ်သည်။

တစ်ခါက သခင်ယေရှု၏နောက်လိုက်တပည့်တော် ဖိလိပ္ပုသည် “သခင်၊ ခမည်းတော်ကို အကျွန်ုပ်တို့အား ပြတော်မူပါ”(ယော ၁၄:၈) ဟုမေးခွန်းထုတ် ခဲ့သည်။ ထိုသို့မေးမြန်းခြင်းသည် သခင်ယေရှုအတွက် ပထမဆုံးအကြိမ် မဟုတ်သည့်အတွက် ကိုယ်တော်က “ငါ့ကိုမြင်သောသူသည် ခမည်းတော်ကို မြင်၏”(:၉) ဟူသော ဖြေဆိုမှုကြောင့် အားလုံးတွေဝေငေးငိုင်သွားကြသည်။ ကျွန်တော်နှင့်အဖေတို့၏ အပြင်ပန်းအဆင်းသဏ္ဌာန်ချင်း တူညီသကဲ့သို့မဟုတ်ဘဲ သခင်ယေရှု၏အဖြေသည်…

ပုံပြင်ပြောပြပါ

“ဟိုးရှေးရှေးတုန်းကပေါ့” ဆိုသည့် စကားလုံးလေးသည် တစ်လောကလုံးတွင် အလွန် တန်ခိုးကြီးသောစကားလုံးများထဲတွင် တစ်ခုအပါအဝင်ဖြစ်လိမ့်မည်။ သူငယ်ဘဝက ကျွန်တော့်မှတ်ဉာဏ်၌ အဦးဆုံးမှတ်မိသောအရာများတွင် ထိုစာသားလေးမှာ မကြာခဏ ပါဝင်ခဲ့သည်။ တစ်နေ့တွင် ကျွန်တော့်အမေသည် ကျမ်းစာမှပုံပြင်များကို သရုပ်ဖော်ရေးသားထားသောအဖုံးအမာနှင့် ထူထဲလှသည့် “My Good Shepard Bible Story” စာအုပ် လေးကိုင်ပြီး အိမ်ပြန်လာသည်။ ညတိုင်းမီးမပိတ်မီတွင် ကျွန်တော်နှင့်ညီလေးသည် မျှော် တလင့်လင့်နှင့် ထူးခြားပြီးစိတ်ဝင်စားစရာကောင်းသည့် လူများအကြောင်းနှင့် ထိုသူများကို ဘုရားသခင်ချစ်ကြောင်း ရေးထားသည့် ဟိုးရှေးရှေးကပုံပြင်များကို အမေဖတ်ပြမည့်အချိန် ကို စောင့်မျှော်နေတတ်သည်။ ထိုပုံပြင်များသည် ကြီးမားကျယ်ပြန့်သောလောကကြီးကို မည်သို့ကြည့်ရမည်ကို သင်ပေးခဲ့သည့် မှန်ဘီလူးတစ်ခုပမာ ဖြစ်သည်။

လူတိုင်းလက်ခံပြီး အပြောအဟောကောင်းသည့် ပုံပြောကောင်းသူမှာ နာဇရက်မြို့ သား သခင်ယေရှုဖြစ်ပါသည်။ ကျွန်ုပ်တို့အားလုံး၏အတွင်းစိတ်၌ ပုံပြင်များကို အလိုလို နှစ်သက်တတ်သည်ကို ကိုယ်တော်သိသောကြောင့် ကြားခံအဖြစ်ဝင်ရောက်ကာ သူ့ သတင်းကောင်းကို ဆီလျော်စွာ…

စေတနာစိတ်နှင့် လှူသောသူ

လွန်ခဲ့သောနှစ်များစွာက ကျွန်တော့်ဇနီးသည် သူဝယ်ယူသောပစ္စည်းများအတွက် အနည်းငယ်သော လျော့ပေးငွေကို ရရှိခဲ့သည်။ ၎င်းသည် သူမျှော်လင့်ထားသော အရာမဟုတ်ပါ။ သူ့ဆီစာရောက်လာခြင်းဖြစ်သည်။ တစ်ချိန်တည်းမှာပင် သူ့မိတ်ဆွေ တစ်ဉီးက အခြားနိုင်ငံတစ်ခုမှ အမျိုးသမီးများ၏ လိုအပ်မှုသတင်းကို မျှဝေလာသည်။ ထိုနိုင်ငံရှိ စွန့်ဉီးတီထွင် စီးပွားရေးအမြင်ရှိသည့် အမျိုးသမီးများသည် ပညာရေးနှင့် စီးပွားရေးနည်းလမ်းအားဖြင့် ၎င်းတို့၏ဘဝကို ပိုမိုကောင်းမွန်တိုးတက်အောင် လုပ်ဆောင်ရန် ကြိုးစားနေကြပြီး၊ ငွေရေးကြေးရေးက ၎င်းတို့အတွက် ပထမဆံုးသော အတားအဆီးဖြစ်သည်။

ကျွန်တော့်ဇနီးသည် ထိုလျော့ပေးငွေဖြင့် အထက်ပါ အမျိုးသမီးများကို ကူညီမစ သည့် အမှုတော်လုပ်ငန်း၏အသေးစားချေးငွေလုပ်ငန်းအဖြစ် ပါဝင်ရင်းနှီးပေးခဲ့သည်။ သူ၏ချေးငွေကို ပြန်ဆပ်ကြသောအခါ သူကတစ်ကြိမ်ပြီးတစ်ကြိမ် ထပ်ခါထပ်ခါ မြှုပ်နှံခဲ့သည်မှာ ၂၇ ကြိမ်ထိတိုင်ပင်ဖြစ်သည်။ ကျွန်တော့်ဇနီးသည် အခြားအရာများစွာ အတွက် ဝမ်းမြောက်ကြည်နူးပါသည်။ သို့သော် သူတစ်ကြိမ်တစ်ခါမျှပင် မမြင်ဖူးသည့် အမျိုးသမီးများ၏ဘဝဖွံ့ဖြိုးတိုးတက်မှုသတင်းများ ကြားရလေတိုင်း သူမ၏မျက်နှာပေါ် ၌ ပေါ်လာသည့် ကျေနပ်သောအပြံုးကြီးက ရှားပါးသော…

မြင်သည်သိသည်ထက်

ကြိုးကွင်းပစ် နွားရိုင်းစီးသည့်ပြိုင်ပွဲကို သင်သွားကြည့်ဖူးပါက လက်ချောင်း လေးချောင်းနှင့် လက်မရှိရမည့်နေရာတွင် အဖုလေးသာရှိနေသည့် ပြိုင်ပွဲဝင်များကို သင်တွေ့ရလိမ့်မည်။ အားကစားလုပ်ရင်း ထိခိုက်ဒဏ်ရာခြင်းက အဆန်းမဟုတ်ပါ။ လက်မသည် အစွန်းတစ်ဖက်ရှိကြိုးနှင့် အခြားတစ်ဖက်ရှိနွားရိုင်းတို့အကြားညှပ်ကာ များသော အားဖြင့် လက်မကိုဆုံးရှုံးရသည်။ အလုပ်မှနားလိုက်ရမည့် ထိခိုက်ဒဏ်ရာ မဟုတ်သော်လည်း လက်မတစ်ချောင်း မရှိခြင်းက အရာများစွာကို ပြောင်းလဲစေသည်။ လက်မကိုမသုံးဘဲ သွားတိုက်ခြင်း၊ ကြယ်သီးတပ်ခြင်း၊ ဆံပင်ဖြီးခြင်း၊ ဖိနပ်ကြိုး ချည်ခြင်း၊ အစာစာခြင်းတို့ကို စမ်းလုပ်ကြည့်ပါ။ ထိုလျစ်လျူရှုခံရသော သင့်ခန္ဓာကိုယ် အစိတ်အပိုင်းလေးက အရေးကြီးသောအခန်းကဏ္ဍတွင်ရှိနေပါသည်။

တမန်တော်ရှင်ပေါလုက အသင်းတော်အတွင်း အလားတူဖြစ်လာနိုင်သည်ကို ဖော်ပြထားသည်။ သိပ်ပြီးမထင်ရှား အသံမထွက်သည့် အသင်းသားများသည် အခြား သူများထံမှ “မင်းကို မလိုအပ်ဘူး” ဆိုသည့် တုံ့ပြန်မှုမျိုးကို တစ်ခါတစ်ရံတွင် ကြုံတွေ့ ရတတ်သည် (၁ ကော ၁၂ :၂၁)။ များသောအားဖြင့် ဤစကားကို မပြောကြသော်လည်း၊…